Tuesday, December 23, 2014

لحظة التعطش للجهل

أن تمتلك نظرة فلسفية و تفسير علمي لكل شئ طوال الوقت...  لهو شئ ممل و سخيف ...  هذه هي اللحظة التي تتعطش فيها للجهل كما يتعطش الجهلاء للعلم...  ليس لأنك تمتلك كل العلم...  حاشا لله...  بل لأنك تفتقد تعطشك للعلم

Wednesday, October 16, 2013

"THE CAVE YOU FEAR TO ENTER HOLDS THE TREASURE YOU SEEK" ~ Joseph Campbell




Sunday, February 10, 2013

حلم تخين ..... و بكرش !

الحلم التخين مشكلة بتواجه ناس كتير.
تخيل معايا حلمك .... حلم تخين و بكرش ...!
حلم مش عارف تبدأه منين ... حلم تخيلته بتفاصيله لدرجة إنك تخيلت إنك حققته و عايش جواه !
بس بعد ما الواقع عملك تنفس صناعي بشكمان و إنعاش للقلب بسلوك كهربة عريانة أدركت إن حلمك كأنك عايز تعدي فيل من خرم إبرة !
تقعد محتار ... أنت متخيل الفيل و خرم الإبرة أمامك ... بس الحقيقة إنك مجربتش تجيب الفيل و تدخله في خرم الإبرة .
طبعا أنت هتقولي أنت عبيط ؟! ما هو معروف إن الفيل مستحيل يدخل في خرم الإبرة.
هقولك بغض النظر عن موضوع عبيط ده ... أولا لو في كلمة اسمها مستحيل يبقى مكنتش أنت قرأت اللي أنا كاتبه أصلا ! 
أنت سيادتك قاعد بتقرأ من جهاز إه؟!!!!
أي جهاز ألكتروني قائم على إن في إالكترون بيجري ... هو أصلا كان بيجري بس هما خلوه يجري في مسار معين.

طبعا أنت كده شايف إن سلوكي شاطط
لا يعم هو كده فعلا
طب لو تفتكر أنت أول ما طلع الموبيل ... الناس في الأول كانت مفكرة إن الناس أجننت و بقت ماشية بتكلم نفسها في الشارع ... و بعدان أما الظاهرة زادت شوية الناس فهمت في إه و بدأت تستوعب الفكرة.

كل الحاجات اللي كانت خيال علمي بالنسبة لينا زمان و أصبحت واقع دلوقتي هي كانت حلم تخين و بكرش لناس كتير ... أو بمعنى أصح كان فيل و خرم إبرة.
الناس ديه أنقسمت فئات 
فيه فئة أعتبرت إن ده هبل أصلا
و في ناس عجبتهم الفكرة بس أستصعبوا يحولوا 
و في ناس حاولت و دخلت شاعرة من ذيل الفيل
في ناس استماتوا و دخلوا الذيل كله بس وقفوا عند كده
بس عارفين اللي نفذ الاختراعات ديه فعلا عمل إه ؟
جرب الأول يدخل الفيل في خرم الإبرة ... بعد عدة محاولات أدرك إن على الوضع ده مينفعش بس لو غيّر الوضع ممكن ينفع
أدرك أنك صعب شويتان تصغر الفيل (الرجيم هيكون قاسي :D ) 
بس مش مستحيل إنه يعمل خرم إبرة بحجم الفيل !
الراجل حسب حسبته ... و أخد مقاسات الفيل و فصله خرم إبرة 

الفيل هو حلمك التخين اللي بكرش ... مش شرط يكون اختراع ... ممكن يكون شركة حلمت إنك تأسسها و تبقى صاحبها ممكن يكون بنت حلمت تجوزها ممكن يكون علم كان نفسك تدرسه و تكون عالم فيه.
بس أنت مين في الناس اللي فوق ؟
أنت اللي أعتبرته هبل و لا أنت اللي كان نفسك في حلمك بس كسلت تحارب عشانه و لا أنت اللي كان نفٌسك قصير و دخلت شعرة و يأست و لا أنت اللي دخلت الذيل ففرحت بنفسك و قولت لنفسك أنا كده عملت اللي عليا و زيادة
و لا أنت اللي قعدت خطط لحلمك و مشيت على الخطة و ماشي في طريقك و شايف حلمك بيتحقق أمامك .... فصلت خرم الإبرة  !
حاول تتخيل شعور كل واحد من الناس ديه !
حاول تتخيل اللي شاف حلمه تخين و بكرش ... فعمله رجيم !
بدل ما أسس شركته ... أشتغل موظف فيها ... و في أشتغل فراش ... و في اللي قعد يشحت أمام شركة كان نفسه يعمل زيها بس محاولش.
بلاش يجي عليك اليوم اللي تشوف حلمك واحد تاني حققه عشان أنت مشتغلتش عليه.



Wednesday, December 5, 2012

#اتحادية #رسالة إلى الاخوان

بسم الله الرحمن الرحيم

قال تعالى : ( مَنْ قَتَلَ نَفْساً بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعاً ).

قال رسول الله صلى الله عليه وسلم : ( من أشار إلى أخيه بحديدة فإن الملائكة تلعنه ، حتى وإن كان أخاه لأبيه وأمه ) رواه مسلم

عن ابن عباس؛ قال: قال النبي : « أَيُّهَا النَّاسُ! اسْمَعُوا قَولِي؛ فَإِنِّي لا أَدْرِي لَعلَّي لا أَلْقاكُم بَعْدَ يَومِي هَذَا فِي هَذَا المَوقِفِ، أَيُّهَا
 النَّاسُ! إِنَّ دِمَاءَكُم وَأَمْوَالَكُم حَرَامٌ عَلَيكُم إِلَى يَوْمِ تَلْقونَ رَبَّكُم؛ كَحُرْمَةِ يَومِكُم هَذَا، في بَلَدِكُم هَذَا، وَإِنَّكُم سَتَلْقونَ رَبَّكُم فَيَسْأَلَكُم عَنْ أَعْمَالِكُم، وَقَدْ بَلَّغْت».

فذكر كلامًا كثيرًا، وقال في آخره:
     «فَاعْقِلُوا أَيُّهَا النَّاسُ! قَولِي؛ فَإِنِّي قَدْ بَلَّغْت، وَقَدْ تَرَكْت فِيكُم أَيُّهَا النَّاسُ! مَا إِنِ اعْتَصَمْتم بِهِ؛ فَلَنْ تَضِلُّوا أَبَدًا: كِتَابَ اللَّهِ وَسُنَّةَ نَبِيِّهِ.
أَيُّهَا النَّاسُ! اسْمَعُوا مِنِّي مَا أَقولُ لَكُم، اعْقِلُوا تَعِيشُوا، وَلا تَرْجِعُوا بَعْدِي كُفَّارًا يَضْرِبُ بَعْضُكُم رِقَابَ بَعْضٍ بِالسُّيُوفِ، اللَّهُمَّ! هَلْ بَلَّغْت؟ اللَّهُمَّ! هَلْ بَلَّغْت؟ اللَّهُمَّ! هَلْ بَلَّغْت؟».



عن الرسول صلى الله عليه وسلم (من روع مسلما روعه الله يوم القيامة (

عن أنس بن مالك ، قال : قال رسول الله صلى الله عليه وسلم : « من سوّد مع قوم فهو منهم ، ومن روع مسلما برضاء سلطان جيء به معه يوم القيامة » . ومعنى "سود" أي : كثر سوادهم وزاد عددهم .

 الله تعالى: "وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ"

‎(ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه وأعد له عذابا عظيما) 


يا أخوان .... (يسألونك عن الشهر الحرام قتال فيه ،قل قتال فيه كبير) ...... أحنا في شهر محرم
و على فكرة هو من الأشهر الحرم